Ikusitakoak ikusita, esango nuke ez dugula eguraldiaren laguntza handirik edukiko Aramaioko kale eta auzoetan barrena goiz eta arratsaldez ibiltzeko. Hala eta guztiz ere, honi bi alde ikusten dizkiot, bat ona eta bestea hobea. Honako hau litzateke alde ona: eguraldi txarra badugu lagun larunbatean, piztu ezazue etxean beheko sua, hartu eskura daukazuen mantarik sendoena eta kokatu ezazue zuen ipurdia sofan goxo- goxo, gu zuen etxeko atarietara kantuan iritsi arte. Bestetik, albiste hobea, igandera begira jarrita, zalantzan jartzen dut Aramaioko koruak larunbatean egun guztia kantuan eman ostean igandean ere euria egingo duenik. Ez naiz meteorologian aditua, are gutxiago intonazio kontuetan, baina, bi aste euripean pasa ostean, konfiantza guztia Aramaioko koruarengan jarria daukat.
Badakizue, igandean euria ari badu, bertso eskolako kideok tonua harrapatzen jakin ez dugulako izango da, gure errua!
