Makineria behar da. Esku profesional gehiago eta tresna handiak. Boluntarioek egundoko lana egin dute; zoragarria, baina ez da nahikoa.
Estatuan 120.000 soldadu daude kuarteletan banaturik, ehunka kamioi, induskatzeko makinak, denetariko tresneriarekin, eta Valentziara apenas eraman dute horren guztiaren %1. Zergatik? Bertakoek errepikatu dute gerra osteko giroa sumatzen dela egunotan: kaltetutako herrietan-eta lapurretak daudela egunero, jendea etxeetan sartzen dela, industrialdetan ere materiala lapurtzen dutela eta abar eta abar. Ateak apurtuta eta argiztapenik gabe, iluntasunean, gaizkileek inpunitate osoa dute kaotikoa den eszenatoki batean nahi dutena egiteko.
Katalunian independentziaren inguruko erreferenduma egin zutenean, milaka polizia bidali zituzten bertara, demokratikoki bozkatu nahi zuten herritarrak jipoitzera. Zergatik ezin dituzte polizia berberak bidali Valentziara lapurreta horiek ekiditeko eta lokatza kentzen laguntzeko?
