Badakigu gutxi batzuk direla, beti jende berbera. Baina kalte handia egiteko ahalmena dute. Errege Kopako partiduetan Donostian eta Bilbon gertatu zenak ez du zentzurik.
Ez dut uste indarkeria erabiltzen duen inor futbol talde bateko jarraitzaile denik. Futbola talde kirola baita, eta indarkeriak ez du zerikusirik futbolarekin; are gutxiago, politikarekin. Zenbait zale futbol ikuskizun handiez baliatzen dira indarkeria era gordinean, bortitzean eta musu-truk gauzatzeko.
Ulertzen ez dudana zera da: nola da posible horrelako gertaerak ez aurreikustea? Futbol estadioak kameraz josita daude, banan-banan antzeman daiteke nor den nor. Zergatik uzten diete barrura sartzen? Zergatik pairatu behar dugu hiritarrok lau astakirten horien jarrera? Galdetu inguruan, ze hauek gureak dira, e? Bertakoak. Etxekoak. Hori da tristea.
