Madrileko zezen plazan egundoko eszenatokia jarriz, ustez, krisialdiaren aurrean herstura ekonomikoa defendatzen duen alderdiak xahututako dirutza agerian utziz.
Ez zaio jokaldia erabat borobila irten, zezen plaza erdi hutsik ikusi baitugu, datozen hauteskunde orokorrak irabaziko dituztela aldarrikatzen duten bitartean.
Aste honetan ere, ETB 2ko El Dilema saioan bake prozesuari buruz hitz egin dute (baketik zerbait gehiago izango du prozesutik baino, ze nahiko geldi dago kontua). Eztabaidaren erdian ETAren azken bideoaz mintzo ziren, beste antzezpen bat, Ram Manikkalingamen keinu komikoak ETAren lau pistolen aurrean. Barregarria.
PPk ere burutu du bere eszenaratzea, alderdian dauden ustelkeri kasu guztien aurrean, telebistan batasuna adieraziz, modu hertsian, gainera.
Alegia, telebista politikaren plato erraldoi, edo ezinbesteko eszenatokian bilakatu da. Gora demokrazia!