Zergatik kaleratu zuten? Enrique Iglesiasen Bailando kantuarekin hitz jokoa egiteagatik. Letrak zera dio: "Zurekin gau ero bat igaro nahi nuke". Kantu hori behin eta berriz dantzatu zuen cheerleader edo animatzaile neska talde batek, euren jantzi sexiaz ponpoiak astintzen, saskibaloi partiduen atsedenaldietan.
Speakerrak orduan esan zuen: "Eta nori ez litzaioke talde zoragarri horrekin gau ero bat igarotzea gustatuko?".
Egundoko kultura maila zuen norbaiti iruditu zitzaion esatea esaldi hori matxista omen zela, eta ondorioz, gizon hori kale gorrian utzi dute.Erotu egin al gara? Ados nago, agian esaldi hori tokiz kanpo zegoela eta nire ustez, erabat soberan dago esaldia. Baina arrazoi horregatik gizon bat matxista dela leporatzea eta ondorioz kaleratzea, gehiegikeria higuingarria iruditzen zait niri.
Zein izango da hurrengo pausua? Enrique Iglesiasen kantua debekatzea? Barkatu, baina inkisizio garaiak aspaldi igaro ziren.
