Gorrotoa moztu

Erabiltzailearen aurpegia

Egunotako Madrilgo adibidea azkena dugu. Garunik gabeko zortzi basatik, arratsaldeko bostak zirela, pertsona bati eraso egin diote. Labanaz eta ipurdian maricón hitza tatuatu diote. Azkenean, gezurra dela dirudi, baina hau ez da kasu isolatu bat. Azken hilabeteetan antzekoak entzun behar izan ditugu: eraso, jipoi, hilketa. Denak ere LGTBI+ siglak abizen. Denak ere gorrotoaren seme.

Kasuen igoaldiaren aurrean, batek baino gehiagok pentsatuko du atentzio gehiago ematen zaiela, salaketak sarriago egiten direla edo trending topic makabro batez ari garela. Nonork inoiz pentsatu du gorroto diskurtsoen eragin zuzena direla?

Dotore jantzitako heterosexual, zuri eta normatibo direnen hitzaldiak entzuteaz nazkatuta gaude. Tristea bada ere, publikoa dute. Euren posizio garaietatik ekintzak piztu eta txakurrak hornitzea gustuko dutela argi dago. Are gehiago, haragi puskek aurpegia odolez zikintzen dizkietenean.

Aski da. Txakurrak elikatzeari utzi eta jabeei eskuak mozteko garaia dugu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.