Batetik, gizartearekiko deskonexioa, inoiz ez birtuala. Bestetik, gure planetari egiten dion debaldeko faborea, suntsitzearen derrigorrezko etenaldia. Ying-aren eta Yang-aren, bizitzaren filosofia hutsa. Yang-etako bat irudimena lantzeko aukera litzateke. Egoerara moldatzeko abilezia sutsua ikusi dugu: zuzeneko emanaldiak, Youtube bidezko jaiak eta online lehiaketak. Internet konexio edota bozgorailu indartsu bat duen auzokidea edukitzearen onurak ezagutzen ari gara. Beraz, geratu zaigun kaiolaren barroteak estu oratu, bertan behera egin eta gogoz dantzatu!
Pantaila zuriaren aurrean gaia desbideratzen saiatzen naiz, baina nire pentsamenduak egoeraren preso daude. Haiek ere bertan behera geratu dira, honen guztiaren aurrean. Hitz madarikatuak, bertan behera: sagardotegiak, jaiak, besarkadak edo lagun artean hartzen dugun domekako marianito berezia. Gai hau gure buruetan zer-nolako mina egiten ari den kalkula ezina da; are gehiago, gure aisialdiari egiten dion hondamendia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak