Homosexualek odola emateko debekua "justifikatuta" egon liteke, Europako Auzitegiaren arabera

Erabiltzailearen aurpegia EH Bildu Oñati 2015ko api. 30a, 01:30
Europako Batasuneko Justizia Auzitegiak ebatzi du homosexualei odola emateko debekua ezar dakiekeela, herrialde bateko osasun egoerak hala justifikatzen badu.
Auzitegiak argudiatu duenez, neurri hori hartzeko beharrezkoa da frogatzea homosexualek "GIBa bezalako gaitz kutsakorrak hartzeko arrisku handia" dutela. Frantziatik heldu zaion auzi bati erantzun dio horrela Europako Batasuneko Justizia Auzitegiak. Harreman homosexualak izan zituen gizonezko bat odola ematera joan zenean, sendagileak uko egin zion odola ateratzeari.

 

Hain justu, Frantziako zuzenbideak galarazia die gizonezko homosexualei odola emateko aukera. Europako zuzentarau batek antzeko ildotik jotzen du; "gaixotasun kutsakorrak hartzeko arrisku handia eragiten duten jokabide sexualak" dituzten pertsonak odola ematetik baztertzen ditu zuzentarauak. Estrasburgoko Auzitegiak Europako Batasuneko Justizia Auzitegiari galdetu zion ea Frantziako araua bateragarria den Europako zuzentarauarekin.

Auzitegiak aitortu du Frantziako arauak "sexu joeraren araberako bazterkeria" sor dezakeela gizon homosexualekiko. Hala ere, zehaztu du helburua "gaixotasun kutsakor baten transmisio arriskua ahalik eta txikiena" izatea dela eta debekua justifikatzeak "osasunaren babes maila altua" lortzeko xedeari erantzuten diola.

 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak