Indarkeriak milaka aurpegi ditu. Eta edonon gertatzen den neurrian, hemen ere bai. Hala ere, "gizon guztiok ez" edo "not all men" entzun eta irakur genezake sare sozialetan. Edo: "Bo, hi, honek flipauta jaetzek, danok ez gaittuk berdinak". Beti besteengan, kanpokoengan, "gu"-an kokatzen ez diren horiengan ikusi izan dugu indarkeria. Eta bada garaia gizonok –"euskal gizonok"– "honek flipauta jaetzek" esatetik, "neuk be bajaukat zer egina" esatera igarotzekoa.
Letretakoa naizen arren, ekuazioa nahiko erraza da. Nire inguruko emakume guztiek jasan izan badute indarkeria motaren bat –eta, sarri asko, egunerokoan–, nire inguruko gizon batzuk bederen… Atera ditzala bakoitzak bere kontuak!
