Beste behin ere, oso pozik gaude egitarauak edukitako arrakastarekin.
Horregatik, gure eskerrik beroenak eman nahi dizkizuegu urteetan lagundu duzuen guztioi eta aurten lehenbizi laguntzera gerturatu zaretenoi:
Bereziki, Iñaki San Migueli, kartel zoragarria diseinatzearren; Emakumeak ametsak ehuntzen ekintzara gerturatu zinetenoi; Josefina Fraileri, esanak esan, botere faktikoak kolokan jartzeagatik; Buztinate elkartekoei eta Eñaut Zubizarreta musikariari; Sergio Alday tailagileari eta Jorge Arzuaga El Process liburuaren idazleari; Lumaltik elkartekoei, 11 demandas zapatistas erakusketa uzteagatik; Antonio Jimenezi, Revueltas filma Eskoriatzan estreinatzeagatik; Aretxabaletako Jaiki eta Gu Haziak Gara elkarteetakoei; Eskoriatzako Udalari, Luis Ezeiza ikastetxeari eta Atxorrotz elkartekoei; Jose Arana egoitzako egoiliarrei, senitartekoei eta langileei; baita Alaitzen taldeari eta herriko trikitilariei ere; Mendibitzukoei, Jubilatuen Elkarteari eta zapatuan postua jarri zuten artisauei; Bizkai soinujoleari eta D'Capricho bikoteari, bazkalondoa alaitzearren; baita Puro Chile taldekoei eta Margu DJari ere.
Sukaldean lagundu zenuten guztioi; bereziki, Durangoko Mariluri eta Rafari, eta bazkaltzera etorri zinetenoi; Gazta Porran eta Tonbolan parte hartu zenuten guztioi; baita takoak eta errifak erosi zenituztenoi ere.
Goiena Komunikazio Taldeko Imanol Beloki kazetariari eta Imanol Soriano argazkilariari; tabernakoei: espezialki, Hotela, Inkernu, Naira, Urrestilla, Goxotxiki, Toki Alai eta Jubilatuak.
Halaber, esker ona adierazi nahi diegu EskoZapeko kideei, eskoriatzar guztiei zein beste herri eta herrialde batzuetatik etorritakoei, modu batean edo bestean Aste Zapatistaren parte izateagatik.
Bihotz-bihotzez, mila esker.
----------
Oihana Irazu eta Ahinara Zubizarreta
EskoZap kolektiboaren izenean
Eskoriatza
