Konspirazioen sinestunak teoria alternatiboetan sinesten duten pertsonak dira, egia ofiziala zalantzan jartzen dutenak. COVID-19aren garaian nabarmen hazi zen mugimendua: txertoen inguruko gezurrak eta elitearen plan ilunak sare sozialetan hedatzen ziren, birus baten moduan.
Azken itzalaldiarekin berriro piztu dira zalantzak. "Zerbait ezkutatzen ari dira", diote batzuek, eta eguneroko gatazken azalpenak argudio sinple eta txatxuetan bilatzen dituzte. Komodin aparta da nagienentzat: gauzak benetan ikertu eta aztertu ordez, helduleku seguruena.
Konspirazioek, paradoxikoki, kontrolaren ilusioa eskaintzen dute kaosaren erdian. Gertatzen den ororen atzean plan handi bat dagoela sinesteak lasaitasuna ematen die: ez da mundua kaotikoa, baizik eta norbaitek gidatua. Baina errealitatea askotan iluna da, ez misteriotsua. Argirik gabe ibiltzea beldurgarria da, baina gezurrezko eguzkia jarraitzea are arriskutsuagoa.
