Sarraskia

Erabiltzailearen aurpegia Oier Zumarraga Aranburu 2021ko mai. 15a, 00:00

Kolonbiako Cali eta Bogota hiriak segurtasun-indarren eta herritarren arteko liskarren agertoki izaten ari diren bitartean, agerian geratu da Duque presidenteak eta Alberto Carrasquillak –Ogasuneko ministroa– aurrera eramandako zerga erreforma icebergaren punta soilik izan dela.

Manifestazioek klase baxuen eta ertainen zerga igoera zekarren erreforma deuseztatu dute, baina kaleetan mobilizazioek ez dute etenik.

Biztanleriak urteetan jasan duen abusu sistematiko honen atzean, pobrezia, errepresioa, prekarietatea eta desparekotasuna daude. Kolonbiak, egoera honen aurrean, oihu batez aski dela esan du.

Estatuaren erantzuna berehalakoa izan da: 24 hildako, indarkeria fisikoko 200 kasu, 10 sexu eraso, 900 atxilotu baino gehiago…

Badirudi adierazpen askatasuna zalantzan dagoen garai honetan, injustizia sozialak salatzen dituztenen aurkako abusu polizialak zilegi direla.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak