Duela hilabete batzuk, Zarauzko ekimen baten berri izan nuen: guraso batzuk elkartu dira, 16 urte bete arte euren seme-alabei mugikorrik ez erosteko helburuarekin. Bideak helduen erabileraz gogoeta egitera ere eraman ditu, gaztetxoengan ikusten dugun horrek gutaz ere asko esaten baitigu.
Marc Masip psikologoaren arabera, giza garunak ez du nahikoa heldutasun mendekotasuna sortzen duen horrelako gailu bat erabiltzeko gutxienez 16 urtera arte, eta, alkoholarekin edo tabakoarekin egin den moduan, mugikorra izateko gutxieneko adina arautzearen aldekoa da. Hainbat adituk gaineratzen dute teknologia berrien erabilera arduratsua sustatu aurretik beste konpetentzia batzuk garatu behar direla nerabeengan.
Artaldea doan kontrako norabidean joatea, ordea, ez da hautu samurra, eta nekez egingo dute horrelako ekimenek aurrera, atzetik konbentzimenduz eta ilusioz lanean ari den talde temati samar bat izan ezean. Debagoienean ere ausartuko gara?
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
