Agian

Erabiltzailearen aurpegia

Eraiki dugun haziera- eta heziera-ereduaren pitzadurak agerian geratu zaizkigu azken hilabeteetan. Gure seme-alaben zaintza eta hezkuntza profesionalizatzera eta azpikontratatzera jo dugu azken mendean eta, bitartean, helduaroaren erdigunean kokatu dugun lan produktiboa seme-alaben zaintzarekin bateratzeko oreka zailean dantzari gabiltza gurasoak.

Birus berriak eragindako egoera berezian, gurasoak nahiko bakarrik aurkitu gara, tribu zabalaren sostengurik gabe, gurasotasuna beste hainbat funtziorekin bateragarri egin beharrean eta, esango nuke, gure espeziea kalitatez zaintzeko jakintza nahikorik gabe. Izan ere, tituluak nagusi diren garaian, ez dugu inolako ikasketa antolaturik ogibiderik zaharren, luzeen eta funtsezkoenetako baterako prestatzeko. Eskain diezaiogun dagokion denbora eta zentraltasuna gurasotasun kontziente, konpetente eta koherentea garatzeari. Horretarako, agian, gurasoentzat eskolak sortu beharko genituzke haur-eskolen ordez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.