Azkenean, heldu da iraila eta berarekin batera bueltatu dira presak, iratzargailuak eta gure egunerokotasuneko parte diren aktibitateak. Batzuek esango dute hori ez dela gauza ona eta erosoago sentitzen zirela oporretan, baina beste askok eskerrak ematen dizkiote egutegiari, irailean euren benetako bizitza bueltatzen delako, errutina delako hori maite dutelako eta, umeak izanez gero, berriro hasten direlako klaseak eta mila eratako aktibitateak…
Ez naiz neu izango zer den hobea esango duena, baina iritzia ematera bultzatzen nauen ahots bat entzuten dut nire buruan... Nork esan dezake normaltasuna ez dela ona? Nork esan dezake atseden hartzea ez dela osasuntsua?
Bada, gauzak horrela, argi dago bai batzuek eta besteek arrazoiak dituztela esateko euren pentsamenduetan ez dutela kale egin… eta nire buruko ahots horrek esaten dit… denak daukala bere momentua; beraz, oporrak disfrutatu ostean, disfrutatu dezagun normaltasuna, nahiz eta batzuentzat normaltasun hori oporrak izan!
