Alde batetik, frontoia gainezka zegoelako –euskaldunez eta euskaltzalez–; bestetik, gozagarria izan zelako, umoretik edan genuelako eta mezu sakonak entzun genituelako.
Hona hemen jasotako ekinbideak:
-Taldearen beharra. Ez batek eta ez bik, gehienek aipatu zituzten lagunak, familia edo bertsozaleak; eroso egoteko talde pertenentziaren eta arnasguneen beharra.
-Euskal komunitatearen babeserako elkartu beharra; hau da, inguratzen gaituzten hizkuntza hegemonikoen aurrean barrikada egitea, oldarraldiaren aurrean batzea eta borrokatzea. Guk ez badugu egiten, jan egingo gaituzte.
-Hori guztia nola egin: euskara ahalik eta gehien erabiltzea, euskarazko kultura kontsumitzea eta euskaraz bizitzeko aukerak babestea eta sustatzea.
Eta adibidea ere jarri ziguten: Durangoko Azokara joatea ingurukoei euskarazko produktuak oparitzeko eta Kontseiluak euskal komunitatearen defentsan deitutako agerraldian batzeko. Hasi al gara bidea egiten eta eragiten?
