Olabarta, San Miel Txiki, Errekalde, Olakua, Triana, San Lorentzo... Aurten, gainera, beste bi data garrantzitsurekin: Topagune Feminista eta Antixenaren 10. urteurrena. Lehenagotik ere borobila zen egutegian gehitzeko beste bi marka.
Bi urtez zain egon ostean, berriz izango dugu aukera kaleak umore onez, elektrotxarangaz, txorimaloz, dantzaz, parrandaz (eta ajez), auzo bazkariz, trikipoteoz, (ditxosozko) boletoz, txorixo eta taloz, aldarrikapenez... betetzeko. Eta hau dena, noski, auzo batzordeek eta gainontzeko asanbladek egiten duten lan handiari esker.
Bi urte pasa dira, bai, eta denok daukagu gogoa txosnetako edalontzia eskuan parranda egiteko; beraz, egin dezagun topa, elkar zainduz eta gozatuz, jai herrikoi eta parekideen alde!