Neutraltasuna

Erabiltzailearen aurpegia Oneka Anduaga Garai 2020ko uzt. 10a, 00:00

Voxekoak herrira datozela entzun eta denbora gutxira sare sozialetan lehenengo aldarria: kasurik ez egiteko. Denok dakigu probokatzera datozela, eta bila dabiltzan argazki hori ez emateko; normaltasunez jokatzeko. Bada, ez, faxismoa ez da normalizatu beharreko zerbait, erantzun beharrekoa baizik.

Euskal Herriko beste herri batzuek irakatsi bezala, erantzun mota ezberdinak daude eta herri bakoitzak, kolektiboki, erabaki beharko du zein den egokiena beretzat. Honekin ez dut esan nahi konfrontazio zuzena egon behar denik; baina izan mitinari boikota edo izan ondoko plazan elkarretaratze bat antolatzea, faxismoaren aurrean gaitzespena adierazi behar da.

Izan ere, "kasurik ez" egite horren atzean bada faxismoaren normalizazio puntu bat, gizarte demokratiko batean ulergaitza dena. Normaltasuna neutraltasunetik gertuegi dago eta eskuin muturrak horrenbeste indar hartu duen honetan ezin dugu onartu neutrala izaterik.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak