Gutxinez, bi minutu

Erabiltzailearen aurpegia

"Bi minutu baino gutxiagoan egin badezakezu, egin". Horixe jartzen du gure etxeko sukaldean itsatsita dagoen paperean. Izan ere, momentuan egin daitezkeen gauza erraz asko uzten ditugu gerorako, baina gero, nagikeria sartzen zaigu eta gauza erraza zena astunago bilakatzen da.

Bada, gaurkoan, esaldi honi buelta batzuk ematera nator. Bi minutuan egin badaitezke, gauza errazak diren seinale; baina zer gertatzen da bi minutuan pentsatu daitezkeen ekintzekin? Eta are gehiago, zer gertatzen da gutxienez bi minutuan pentsatu beharko liratekeen baina pentsatu gabe egiten diren ekintzekin? Gaur egun, horrelako gehiegi daukagu, gauza onerako. Eta bestela, galdetu Zaballan preso daudenei.

Hurrengoan –eta benetan espero dut hurrengorik ez egotea–, Altsasuko herriari horrenbeste buruhauste eta min eragin dietenek, gutxienez, eta asko eskatzea ez bada, bi minutuz pentsa dezatela zer ondorio dakartzan horrelako astakeria batek.

Edo dena ondo pentsatua zegoen?

Debagoieneko albiste garrantzitsuak edo azken ordukoak telefonoan jaso gura dituzu?

  • Bidali ALTA 688 69 00 07 zenbakira Whatsapp bidez.
  • Batu zaitez Telegrameko @GoienaAlbisteak kanalera.