Orduan, Arrasate Telebistan lanean hasi nintzenean – badira urte batzuk–, Luis ere telebistaren parte zen. Telebistako tripa guztiak inork baino hobeto ezagutzen zituen eta analogikoko makina haiek konpontzen trebea zen. Sumatu zitekeen maite zuela lan hori. Ondoren, digitalerako saltoa egin genuen eta Luis ez zen beldurtu. Ekipo digitalak konplexuagoak eta arinagoak ziren, baina Luisendako ez zen traba. Edozein ekipo berri erosi behar bagenuen, ez nuen egiten Luisen aholkua jaso gabe. Zenbat balio zuen bere lanak!
Pertsona atsegina eta hurbilekoa. Zintzoa. Zure falta sumatzen hasi nintzen, orain urtebete, gaixotu zinenean. Baina orain ez zaudela jakitean, hutsunea handiagoa da. Ez zaitut ahaztuko. Goienan ez zaitugu ahaztuko. Familia guztiari, eta bereziki Amaiari eta Lukeni, besarkada handi bat.
----------
Oihane Agirre
Goiena telebistako zuzendaria (Goienako lantaldearen izenean)
Arrasate
