Nor garen ulertzeko pentsamendura salto egitean estruktura eta bide desberdinez baliatzen gara. Badirudi ezaugarritzen gaituen kultura geroz eta indibidualistago honetatik, pentsamendu analitikotik areago, kontestua eta objektua banatu beharrak objektuaren ezaugarrietan oinarritzera eta kontestua alboratzera eramaten gaituela. Logikaren, eta ez esperientziaren, legeetan oinarritzeak kontrako proposizioetara garamatza, eta honek erdibideko puntuak zailtzen ditu.
Halaber, aldaketak beharrezko diren uneetan onuragarria litzatekeen malgutasunaren kontra dator hau. Onargarria denaren eta ez denaren arteko mugetan kokatzeko jarreran, onaren eta txarraren aurrez aurreko epaiketa tinkoei eutsi aurretik, oreka puntu berri batean sinistu dezakegu, eta zergatik ez, kontraesanetan erori behar barik.
