Mila kiloko erronka jarri zenuten. Eta, azkenean, 1.465 kilo elikagai jaso. Ez zen erronka makala, baina lortu duzue. Janari hori guztia laster iritsiko da Lesbosera, eta handik Zaporeak taldeak duen sukaldera. Behin sukaldari eta boluntarioek jakiak prestatuta, errefuxiatuen kanpalekuetan dauden lagunei banatuko zaie. Beharra handia da, baina Aretxabaletan jasotako elikagaiek zertxobait arinduko dute errefuxiatuen kanpalekuetan dagoen larrialdia.
Gutun honen bidez, eskerrak eman nahi dizkiegu Zaporeak taldearen elkartasun kanpainarekin bat egin duten aretxabaletar guztiei, eta, bereziki, UDA kirol elkarteari.
Eskerrik asko modu batera zein bestera lagundu duzuen guztioi.
----------
Nuria Agirre eta Maria Agirre
Zaporeak taldeko kideak
Aretxabaleta
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
