GOIENAko zutabe bat zapuztera nator, aurpegi guztiarekin. Nahi dudana esateko aukera luzatu didate, baina oraingoan uko egingo diot, apetak eman didalako. Zer axola du, bada? Inor ez dago nire iritziaren zain, inor ez dago nire hausnarketaren esperoan, eta ez dut mundua aldatuko paperaren beste aldetik. Zertarako plazaratu hiritar soil baten usteak? Zertarako mantendu zerbait aldatuko dudan esperantza?
Hor goian zaudetenok, lasai, oraingoan lana aurreztuko dizuet, ez nago prest nire iritzia hartu, zimurtu eta zuek hau zakarrontzira botatzeko.
Horixe egiten ikusi zaituztet haien sinesmen, printzipio, balore... guztiaren gainetik defendatzen eta aldarrikatzen saiatu diren horiekin.
Publikoki haien iritzia plazaratzen saiatu diren horien adierazpen askatasuna bortxatu duzue lotsa eta muga gabe zuen berdin pentsatzen ez dutelako, pentsatu "behar" ez dena pentsatzearren. Gure beldur al zarete?
Gaur ez nuen idazteko gogorik eta nahikoa esan dizuet.
