Gerora begira bizi diren begien jaiotza, bihar gertatuko denaren arduraz. Dutenaz gozatzen ikasiko ez duten arimen jaiotza, beharraren beharraz itota bizi direnen jaiotza. Ondamuz, berekoikeriaz kutsatuta dauden bihotzen jaiotza, neurea lortu dut, zer axola, bada, zeureak? Ezkerreko hankaz iratzarri direnen jaiotza eskuinekoa ondoan dutela ahantzirik, eta hori muturrez bizitzeko zurigarri moduan erabiltzen dutenak. Aldapa gora ere balazta botata “aurrera” doazenen jaiotza, bizkortasunaren plazera zer den ezagutu gabe, inolako uhalik gabe, hurrengo kurbaren norabidea ezagutu barik.
Jaioaz bat, poliki, astiro, taxuz baina doitasunez, bizitza akabatzen duten jaiotzek dakarte zeurearen heriotza.
Batzuetan, aurrera egiteko, nahitaezkoa da gelditzea, sarri, geure bidea aurkitzeko ohikoa den bidetik irten beharra dago.
Zantzu bat uzteko jaio zara, eta bizitzea da lehen pausoa.
Ez utzi jaiotzok zu zanpatzen eta bizi zeure duzun zorioneko ernetzeaz.
