Gaur, esan dezakegu Bergarako identitate seinalea bihurtu direla musikalak. Gure azken musikala Alizia izan da. Esperientzia, urteetan ikasitakoa eta, beste behin, arimarekin eta bihotzarekin egina. Alizia apustu handi bat izan da. Operan zein musikaletan erabiltzen ari diren teknologia berritzaileak erabili nahi izan ditugu. Dekoratu handiak desagertzen ari dira agertokietatik. Baina, adi! Erronka handiena izan da, beste behin, frontoian egitea. Alizia istorio klasikoa izanik, gaurkotu egin dugu, gure gizartean momentu honetan kezka sorrarazten diguten gaiak tratatuz. Bullying-a, Interneteko jokoa edota smartphoneen erabilera. Lehen musikalean bezala, publikoaren erreakzioaren zain. Lehenengo barreak, haurren erantzunak eta parte-hartzeak hasierako tentsioa erlaxatzen du. Eta espektakulu on batean gertatzen den bezala, erakargarriena bukaerarako lagata.
Beste behin, lortu dugulakoan gaude.
Mila esker, Bergara!
