Kolonbian dozenaka hildako, ehunka atxilotu eta beste hainbeste desagertu, Uriberen gobernu neoliberalaren neurrien kontra protestan aritzearren. Gazan bi dozena hildako, Jerusalemen 600 zauritutik gora Israelen biktima. Badirudi Margaret Thatcherren espirituak airean dirauela Ez dago alternatibarik lau haizetara zabalduz, imajinario kolektiboaren zati bihurtu arte.
Bada, hau guztia babesten eta zuzenean edo zeharka elikatzen duten komunitate internazionaleko kideek lasai egiten dute lo. Zizekek eta Fisherrek esan zuten: "Errazago zaigu munduaren amaiera irudikatzea kapitalismoaren bukaera imajinatzea baino". Etsipen honen aurrean, guri dagokigu utopiak bizirik mantentzea, amesteko ditugun gau horiek berreskuratzea, gureak direlako eta izango direlako.
