Bazen behin Erromatar inperioa bere biztanle andana baina hiritar kopuru murritzarekin. Bazen behin "sufragio unibertsala" deitu zioten unibertsaltasunetik urrun zegoen eskubide hori. Bazen behin oinaztarrek duela mende batzuk su eman zioten arimadun herri bat; kanpo eraso hori jasan eta harresiaren barnean babesten zituena intramuros horretan egoteko adinako balioa omen zuten herritarrak.
Urteak pasata badirudi paradigma eraldatu dela orain: lehen gune pribilegiatutzat jo zitekeen alde zaharra gainbehera nabarmenean murgildurik utzi dute. Eta ez nabil dagoen degradazio orokortuaz soilik, bertakoak bereziki kolpatzen dituen arrakala digitalaz baizik. Indarrak aldatu dira; badirudi lehen zentrifugoki mugitzen zen arren, orain zentripetu bihurtu zaigula energia. Modernitatea periferiatik datorkigun honetan, nola liteke extramuros horretatik barnerago joan ezin izatea?
Bai, norbaitek oraindik zalantzarik badu, erdialdeko zuntz optikoaren faltaz ari naiz. Eta ez, ez da ezinezkotasunagatik, borondate politiko falta argiagatik baizik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
