. Argi ez baldin bada geratu jadanik, ni, ni, ni eta berriz ni. Munduaren hermeneutika neoliberal ederra saldu digute, eta preziorik altuenean erosi dugu nahi gabe, Paretoren optimo horretatik kilometrotara dagoen salneurrian. Subjektu epistemologiko eredugarria ispiluaren aurrean dugun hori da: Ni nirekoia. NIMBak (Not In My Backyard) bihurtu gara, liberalismoaren erakusle gorenak.
Badirudi nazioarteko harremanak erregulatzen dituen maximaren barruan hasi garela ulertzen giza harremanak: ez esku hartzeko printzipioaren arabera. Ba, apur dezagun zuzenbide interpertsonalaren maxima eta has dezagun gerra. Hauts dezagun nia eta luzatu dezagun babestu beharreko lurraldea ni horretatik kolektibora. Historiak erakutsi duen moduan, niak ez du balio, gua behar dugu irabazteko.
