Zomorro honi begira erlojuaren orratzek abiadura azkartu dutela dirudi, eta bat-batean oroitzen dugu zertan ari ginen arreta galdu aurretik. Ordua begiratu eta jada jarraitzeko berandu dela ohartzen gara; beranduegi batzuetan.
Nago berdina gertatzen zaigula gizarte moduan. Otsailaren 6an Zaldibarko zabortegiaren lur jausitik bi langilek diraute zaborpean, amiantoz inguratuta. Gaur gaurkoz (otsailak 25) 15 langile akabatu dituzte. Honi begira geundela, baina, Iturgaizen akordeoi soinuak estali dizkigu belarriak, Urkulluren hauteskunde deialdiak ahaztarazi dizkigu egindako astakeria guztiak, koronabirusak eskuak burura eramanarazi dizkigu, eta abar luze bat. Bitartean kapitalak sistematikoki dirau bizitzak deusezten, denok aire pozoituz itotzen... Fokua bertara zuzentzen dugunerako berandu izango da, beranduegi agian. Eta beti euliei botako diegu errua, euli madarikatu horiei
