Trumpek konbentzitu ditu Israelgo gobernua eta Netanyahu, baina noiz arte egongo dira geldi sionistak?
Akordioan hogei puntu jaso dira; besteak beste, gerra bukatzea, Gazan dauden israeldar bahituak askatzea, Israelgo armada erretiratzea Gazatik partzialki, Hamasek armak entregatzea, nazioarteko Bake Batzordea palestinarrak ere egonik, giza laguntza handia sartzea Gazara, berreraikuntza nazioarteko finantzaketarekin, 2.000 preso palestinar askatzea, mugen aitortza egitea, eskolak, ospitaleak eta gurtza-lekuak berriro eraikitzea...
Poztekoa da, baina Netanyahuk segidan esan zuen Palestinako Estatuarena ikusi egin beharko zela; bestalde, finantzaketa internazionala noraino helduko den ikusiko dugu. 1993an Oslon antzeko akordioa izenpetu zuten Israelen eta Palestina Askatzeko Erakundearen (OLP) artean, baina israeldarrek Zisjordania okupatzen jarraitu zuten eta Palestinako lider bat muturreko israeldar batek hil zuen.
Adituek diote akordioak ez duela luze iraungo, baina poztu gaitezen, Palestina normaltasunera heltzen ari delako.