COVID gaixotasunarekin hasi ginen, 2020an; duela hiru urte, Ukrainako gerra hasi zen; eta iaz, Hamasen eta Israelen arteko borrokak Palestina apurtuta utzi du.
Adimen artifizialaren garapenak kontrol arazoak eta, era berean, erronkak eta itxaropenak dakarzkigu, eta beldur gara erabilpen txarrak gizakion hondamendi osoa ekar lezakeelako.
Donald Trumpen garaipenak bazter guztiak harrotu ditu eta munduaren oreka arrisku bizian jarri da. Kanada eta Groenlandia bereganatu nahi ditu. Gaza erribera turistiko bihurtu nahi du eta munduko jauntxo nagusi bihurtu nahi du, haren zorotasunean.
Europa ez dago elkartuta eta herrialde bakoitzak bere politikak atera nahi ditu aurrera, eta Ipar Amerikak, Txinak eta Errusiak munduaren geopolitika kontrolatuko dute –Indiaren baimenarekin, urte batzuetan–.
Europa ezin da armagintza industria boteretsuan sartu, hiru potentzia horiekin konparatuta inoiz ezingo litzatekeelako lehiatu; Europako ekonomia gizarte hobekuntzarako bideratuta dago, gehienbat, eta ez armen industriara, AEBak eta Errusia dauden bezala.
