Sexu abusutzat edo bortxaketatzat hartu, jakina, zigorrak guztiz ezberdinak dira. Definizio falta hori hain garrantzitsuak diren gaietan... ez dut ulertzen.
Gobernuaren bozeramaile Iñigo Mendez de Vigok zalantzan jartzea eraso sexualekin lotutako delituak kode penalean ondo jasota dauden edo ez... ez dut ulertzen.
Epaitegi Goreneko eta Botere Judizialaren Kontseilu Nagusiko presidenteak gaitzetsi izana Manada epaitu duen auzitegiari batzuek egindako kritikak... ez dut ulertzen.
Justizia ministroa eta epaileak ika-mikan ibiltzea... horrek bai egiten dio kalte justiziarekiko konfiantzari eta beste guztiari... hori ere ez dut ulertzen.
Galdera bat egiten diot neure buruari: epaia bera izango zatekeen magistratu horien alaba edo biloba izan balitz biktima? Zer uste duzue?
