Tenporak

Erabiltzailearen aurpegia

Aurtengo tenporek ziotenaren arabera, hamar negu beroren ondoren hamar negu hotz etorri behar dira.

Hala zioten tenporek, bai, baina suposatzen dut tenporak benetan baliagarriak zirenean munduak udaberri gutxiago biziak zituela. Beharbada, horregatik oparitu digu aurtengo urteak udaberri azkar hau, ezta? (Hau ironia da). Egia da udaberria garai polita dela (ez baldin bazara asmatikoa edo alergikoa). Mundua reset handi baten ostean berriro pizten dela dirudielako; koloreak berriro agertzen dira, egunak luzeagoak dira, hormonak esnatzen dira… udaberriak hainbat forma hartzen ditu.

Badaude udaberria bihotzean behar dutenak, kolore pixka bat jarri ahal izateko norberaren barrenari. Badago udaberri bat baino gehiago behar dituena bere buruan, ingurua aldatzen dela ikusi ahal izateko eta aldaketaren parte izan nahi izateko. Badaude udaberrian dauden eta beraien udaberria behar duten mugimenduak, hazteko, zabaltzeko, sustatzeko, hedatzeko. Udaberri mota asko daude eta beste asko behar dira, bai, baina orain daukagun hau? Ez, udaberri hau ez genuen behar. Tenporek ezin zuten asmatu.