-Zeren beldur zara?

Erabiltzailearen aurpegia

-Ba, egia esanda, ez nuke jakingo definitzen.

Armiarmei beldurra diezula? Erraza, araknofobia deritzo horri. Toki altuei diezu beldurra? Horrek ere izena dauka, akrofobia. Hegaldiei? Aerofobia. Katuei? Ailurofobia. Toki itxiei? Klaustrofobia. Beldur guztiek daukate izena, identifikatzea besterik ez dago. Brontofobia, adibidez, oso normala da, ekaitzek beldur handia eman dezaketelako. Eta cinofobia? Txikitan txakurrei beldurra nien eta gaur egun sugeez ere ez naiz fidatzen –herpetofobikoa izango naiz?–. Beldurrak identifikatzea erraza da, baina benetan zaila justu kontrakoa egitea da: fobiak topatu beharrean filiak identifikatzea. Ilargiak betidanik erakarri nau, baina ez nekien horri selenofilia deitzen zitzaiola. Ama liburuz inguratuta bizi da, beharbada berea bibliofilia izango litzateke, eta aita mendira zuhaitz artera ahal duen bakoitzean joaten da, dendrofilikoa izango ote da?

-Eta zuk zer duzu gustuko?

-Ez al duzu antzeman? Nirea logofilia da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.