Horretan geundela, gainera, pandemia iritsi da: etxean kieto geratzeko aginduak, mugitzeko mugak, erabakiguneak urruntzea... Eta, batez ere, beldurraren apologia. Badaramagu urtebete albistegietan zein elkarrizketa informaletan denboraren hiru laurden pandemiaren ertz desberdinei eskaintzen. Betiere, tonu apokaliptikoan. Beldur kolektiboak gizartea lotu egiten du, ahuldu, umetu. Eta ahal duenak hori baliatu egiten du bere mesedetan. Irakurri dut munduko aberatsen elitea %45 aberatsagoa dela pandemia hasi zenean baino.
Ezin dugu etsi, berriro aktibatu beharrean gaude. Ahal den heinean, plazak eta kaleak berreskuratu behar ditugu, bagarela sentitzeko eta hemen gaudela sentiarazteko. Horrez gain, batzen gaituzten ekimenak sustatu behar ditugu. HamaikaGara ekimenak https:// hamaikagara.eus/sinatu/ eskatzen digun bezala: Altxa.