Sorpresa handia eta oso atsegina hartu dut Unai Iparragirre ETBko zuzendari izendatzearekin. ATBren hastapenetan ezagutu nuen, Agustin eta Betirtze lagunekin bikain baliatu zutenean emandako aukera. Gero jarraitu izan dut, gutxi asko, bai ETBn egindako ibilbidea eta baita atzerrikoa ere. Eta, ETB eraldatzea lan zaila izango dela aitortuta, uste dut Unai pertsona oso egokia dela ahaleginerako
Ze ETB eraldatu beharra dago: bi kateen konfigurazioa, hizkuntza eredua eta lantaldea ez dira asko aldatu hiru hamarkadatan. Eztabaida irekia dago, eta bada konforme dagoenik, baina oso uste hedatua da ETBren ezaugarriak ez direla ondo egokitzen garaiotara. Zentzu horretan, Unaik ezagutzen ditu errealitate aurreratuak eta izango ditu etorkizunari buruzko hainbat pista, eraldaketa gidatzeko lagungarri izango zaizkionak. Horren pare, Unai euskaltzalea da, eta eraldaketaren helburuen artean izango du ETBk euskararen biziberritzeari ekarpen handiagoa eta eraginkorragoa egitea. Norabide horretan badaki beste euskaltzale askoren laguntza eta babesa izango dituela.
Apirilean hastekoa da Unai lan berrian. Zorterik onena opa diot, denon mesedetan.
