Aitortu behar dut arnasa lasaiago hartzen dudala igandez geroztik. Barrenbarrenean sinetsi nahi nuen Espainian bazela gehiengo demokratiko bat, eskuinaren oldarraldi autoritarioari aurre egiteko kapaz. Eta horrela izan da: hiruko beldurgarriak ez du gobernatuko; baina kontuz, hala da bereziki Euskal Herrian eta Katalunian oso emaitza txarrak izan dituztelako, Espainiako datuak bakarrik hartuta gehiago dira.
EAEn ez du ordezkaririk lortu Espainiaren bertsiorik zatarrenak, nabarmen jarriz gure distantzia haiekiko; eta Nafarroan lortu du, bai, baina beste inon ez bezala elkarrekin aurkeztu direlako eta izen propioak ezkutatuta. Azken hau ikasteko moduko lezioa da: egoera berezietan, fronteak egitea da irabazteko modu bakarra.
Nafarroan airean dago lauko gobernua. EAEn alderdi abertzaleak sendo agertu dira, eta lehia biziak aurreikusten dira lau aste barru, alderdi unionistekin Araban eta abertzale artean Gipuzkoan. Debagoienean ere eskualdeko hegemonia eta hainbat alkatetza daude jokoan boto gutxiren bueltan. Kanpaina bat bukatu da eta lehen kolpeak arnasa lasaitu digu. Baina ez erlaxatu, bigarrena abian da.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
