Helburua zen jendaurreko hizkuntza portaera orekatzaile bat adostea, euskara parekotasun egoeran jartzeko bidean.
Lana sendo egin dugu, bakoitzaren praktikak aztertuz eta elementu komunak bilatuz, zintzo demonio azalduz zailtasunak, erabat sinetsita lankidetzaren indarraz. Bateratze prozesu askotan aritua naiz, eta oraingoan ere nabaritu dut taldekide bakoitzaren borondatearekin nola eraikiz joan den talde borondatea. Magia moduko zerbait da.
Azken emaitza bistaratzen hasi gara. Eta bikaina da. Ikuspegi berri bat eraiki dugu, hizkuntza berdintasuna helburu eta gure erantzukizuna akuilu dituena. Praktika onekin osatutako zoru komun bat zehaztu dugu, eta zoru horren gainean bidea elkarrekin egiteko konpromisoa lotu. Urtea amaitzerako agertuko gara gipuzkoar gizartearen aurrean, gure erreferentzialtasuna euskararen mesedetan jartzeko. Ederra izaten ari da prozesua; eraginkorra izango da emaitza.