Izan ere, EAJ baino ez da arduratu kooperatibisten egoeraz eta Madrilen beren berezitasuna defendatzeaz. EAJk defendatu izan du eta defendatzen jarraituko du gizarte-segurantzak kolektibo honi aitortza ematea, kotizazio-baldintzak ezartzeko orduan, edo Lagun Aroren pentsio eredu mistoa aitor dadin; izan ere, horren bideragarritasuna arriskuan dago.
Kooperatibismoa eta ekonomia soziala Debagoieneko EAJrentzat elementu garrantzitsuak eta ezinbestekoak dira gero eta ekonomia inklusiboagoa lortzeko. Kooperatibak kalitatezko enpleguak sortzen dituzten enpresak dira eta beren jarduerak are kohesio sozialagoa eskaintzen duen hazkundeari laguntzen dio, iraunkorragoa eta gizartearentzako bizi-kalitate handiagoarekin.
Nazioartean arrakastatsua den eredua da kooperatibismoa, erreferente. Gure herriaren sustraietan edota nortasunean txertatuta dago eta horrekin ere herrigintza egin eta egingo da.
Talde honen eskariak jaso daitezen arduratu den bakarra EAJ izan da. Hala egiten jarraituko dugu; izan ere, gure helburua Euskadiren interesak defendatzea eta euskal herritarron interesak defendatzea da.
----------
Mikel Lete
Debagoieneko EAJko ordezkaria