Errealitate ezberdinak

Erabiltzailearen aurpegia Mikel Aberasturi

Eusko Jaurlaritzaren arabera, 15-29 urte bitartekoen %74,6 sare sozialen bidez informatzen dira egunero.

Edozein erabiltzailek dakien bezala, algoritmoek behin eta berriz itzultzen dizkigute gure iritziak sendotzen dituzten edukiak, gure arreta monetizatzeko. Horrela, pertsona bakoitzak hain bertsio ezberdina jaso dezake gertaera berari buruz, ezen errealitate paraleloetan bizi garela dirudien. Jakina, gertaera desberdinei buruz ondorio ezberdinak ateratzen ditugu. 

Horrek pentsamendu tribala elikatzen du, eta Plautoren "homo homini lupus" esaldia datorkit burura. Esaldi honek ñabardura garrantzitsu bat dauka bere formulazio osoan: gizakia gizakiaren otsoa da bestea ezagutzen ez duenean. Sareek distantzia hau elikatzen dute, gu bezala pentsatzen dutenengana hurbilduz eta ezagutzen ez duguna etsai bezala ikustea errazten. 

Kontrasta dezagun irakurtzen duguna, arrazoia ematen digunean ere bai, eta hitz egin dezagun ezberdin pentsatzen dutenekin. Gertakari objektiboetan oinarritutako iritziekin bakarrik eraiki dezakegu guztiontzat hobea den errealitate bat.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak