Egonaldiaren baitan, Garapen Jasangarrirako Helburuetan (GJH) oinarritutako diseinuak sortu eta 3D inprimatu dituzte. Lanaren emaitza gisa, parte-hartzaile guztiek elkarlanean muntatu dute "1 For All" fundazioaren logotipoa irudikatzen duen totem bat.
Lan saioak Nova College Beverwijk eta Nova College Techport ikastetxeetan egin dituzte. Azken egunean, ikasleek euren proiektuak aurkeztu dituzte, eta Estatu Batuetako irakasle baten balorazioa eta gomendioak jaso dituzte.
Proiektuaz gain, Amsterdam eta ingurua ezagutzeko aukera ere izan dute ikasleek. Miguel Altunatik nabarmendu dute esperientzia "oso aberasgarria" izan dela, bai teknikoki baita maila pertsonalean ere.
Bestalde, proiektuaren antolatzaileek 2027rako Herbehereetan egingo duten ekimen berrian parte hartzeko gonbidapena egin diote Bergarako ikastetxeari, Ipar Europako beste hainbat herrialderekin batera.