STEM alorreko enpresa eta erakundeetan parekotasuna sustatzeko lanean

Martxoaren 11 eta 12an, Bergarako Miguel Altunan bildu dira EngenderingSTEM proiektu europarreko Eskoziako eta Herbeheretako bazkideak.

 

 

Gaur eta bihar artean, herrialde eta erakunde desberdinetako arduradun talde honek, zientzia, teknologia, ingeniaritza eta matematika arloetan (STEM) lanean diharduten enpresa txiki eta ertainei (ETE) bideratutako lan ildo desberdinak jorratuko dituzte. 

Izan ere, proiektu honen bidez enpresa zein erakundeek parekotasun arloan izan dezaketen oztopo komunak jaso eta aurrera eramandako interbentzio estrategia eraginkorrak identifikatu dituzte. Horretaz gain,  auto-ebaluazio tresna bat sortu, praktika onen gida osatu eta on-line formazio programa bat ere garatzen ari dira.

Azkenik, proiektuaren azken helburua enpresa parte-hartzaileen artean parekotasunera bideratutako ekintzak sustatzea litzateke. Guztiaren berri, www.engenderingstem.eu orrian aurkitu daiteke.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.