Batetik, DUALean ari diren 18 ikasle bildu ziren eta bestetik, DUALean ez dauden beste hainbeste ikasle (heziketa ziklo ezberdinetakoak). Lehendabizi, seiko 6 azpitaldetan bildu ziren gai honi buruz ekarpenak eginez eta ondoren, ikasle guztiak bildu ziren, esandakoak partekatu eta konklusioen berri emateko.
Hauek izan ziren aurkeztutako ondorio nagusiak:
* Ikasleek DUALa begi onez ikusten dute, nahiz eta esfortzu handiagoa eskatu.
* Esperientzia ona da enpresaren mundua bertatik bertara ezagutzeko eta lan aukerak handitzeko.
* DUALaren kalitatea ziurtatu behar da kantitatearen aurretik.
Horretaz gain, ikasketak eta lana txandakatzen duten ikasleek ordutegi aldetik malgutasun gehiagoren beharra ikusten dute.
