Antzuolan, dagoeneko bi ekintza burutu dira. Batetik, Antzuola Herri Eskolako 3. mailako 4 gazte Landatxope Jubilatuen Elkarteko 6 kidekin elkartu dira, antzina Antzuolatik pasatzen zen trenari buruzko informazioa jasotzeko; izan ere, oso lagungarria zaie Antzuolako trena ezagutu zutenengandik garraiobide honen gaineko informazioa jasotzea klasean egin behar duten proiektua lantzeko. Bestetik, 8 eta 9 urteko 14 ikasle taldea joan zen Landatxope jubilatuen elkarteko instalazioetara San Blas tortak egiten ikastera.
Bergaran, aldiz, San Joxepe Jubilatuen Elkarteko bi kide, San Martin eskolara hurbildu ziren, 3. mailako umeei San Blas tortak zelan egiten diren erakusteko. Guztira, 63 ume parte hartu zuten.
Datozen asteetan Elkarrekin ikasten proiektuaren barruan, hainbat ekintza izango ditugu: sendabelarren pomada tailerra, informatika ikastaroa, lorezaintza bertikala, eskulanak, taloak egiten ikasteko tailerra, lehenagoko eta oraingo jolasak, solasaldiak, etab.
Informazio gehiagorako 943 76 93 94 zenbakira deitu edo mdominguez@imaltuna.com helbidera idatzi daiteke.
