Atzo abenduaren 1ean amaitu zuten Bergarako Udalak eta Miguel Altuna Institutuko Bizikasi , Etengabeko Ikaskuntzako Bitartekaritza zerbitzuak elkarlanean antolatutako “Oinarrizko Sukaldaritza” ikastaroa.
Azken 3 asteotan zehar, herritarren parte hartzea bultzatu eta integrazioan laguntzeaz gain, eguneroko bizimoduan prestatu daitezkeen hainbat jaki prestatzen ikasteko aukera izan dute parte hartu duten 7 ikasleek.
Bide batez, MAIk eskerrak eman nahi dizkie Zuloa Elkarteari eta nola ez, Iñaki Larrañaga eta Jose Ramon Arakistaini beraien sekretuak irakasteagatik.
