Ideia honen sustatzaileak, Jesus Ollokiegi, Mikel Lasa, Miguel Angel Sanchez eta Fernando Alonso, orain 10 urte elkartu ziren MAIk eskaintzen zuen Goi Mailako Plastiko eta Kautxuaren zikloan. Hasiera baten enpresa proiektu bezala sortu bazen ere, egun ikerketa eta berrikuntza proiektua dugu kolagenoaren kautxu termoplastikoa.
Ibilbide honetan MAIren aldetik proiektua garatzeko laguntza dena izan dute: Ikerketarako laborategiak, zentruko langileen kolaborazioak eta aholkularitza, etab. Ikerketa proiektu honi esker, dagoeneko prozesua patentatuta izateaz gain, lantalde honek hainbat lan-akordio sinatu ditu enpresekin azken aplikaziorako:
* Bellota S.A: Segurtasun botetan prozesu honen aplikazioa, Kevlareko zuntzetan, erreminta eta manguen formak eskura egokitzeko gaitasuna izan dezaten.
* Papresa: Pergamino-paperaren garapen prozesuan aplikatzeko.
* Leartiker MYMAT: 3D inpresioan formulazioak garatzeko prozesuetan aplikatzeko.
* Beste kontaktu konkretu batzuk zentro teknologikoekin lankidetzan aplikazio berriak bilatu eta laguntza teknikorako: Gaiker IK4, Biomat, Teknalia-Cidenco
Ekitaldian Iñigo Urkullu lehendakaria, Martin Garitano Gipuzkoako diputatu nagusia eta Arantxa Tapia Garapen Ekonomiko eta Lehiakortasunerako kontseilaria eta Miguel de los Toyos Eibarko alkatea izan ziren, Gipuzkoako hainbat enpresari eta ordezkarirekin batera.
