Industrian laneratzeari buruzko jardunaldiak martxan dira Miguel Altunan

Gaur goizean ireki dira Bergarako Miguel Altuna Institutuak antolatu dituen "Lanbide teknikoa da nire aukera" jardunaldiak.

Jardunaldien irekiera saioan Confebaskeko Zuzendari Eduardo Arechaga, Emakundeko Zuzendari Izaskun Landaida,  Lanbideko Lan Aktibazioko Zuzendaria den Gotzone Sagardui, MAIko Zuzendari Iosune Irazabal eta Lanbide Heziketako sailburuorde Jorge Arevalo izan ditugu.

Ekitaldian zehar hainbat datu eman dituzte. Aipagarrienetako bat, 2020rako lanpostuen %76a Lanbide Heziketako tituludunak izatea espero dela. Hau kontuan hartuta eta enpresek pertsonei gero eta garrantzi gehiago ematen dietela ikusita, beldurrak eta estereotipoak alde batera utziz, berdintasunaren bila jarraitu behar dugu denon artean pausuak ematen.

Lanbidek eman dituen datuen arabera, Lanbide Heziketako laneratze tasa ziklo industrialetan gaur egun %75,5ekoa da.

Jardunaldiekin jarraituz, bihar 16:00etan Soraluze Koop. Elk. enpresara bisita izango da eta 18:30etan enpresa industrialen ikuspegi desberdinak ezagutzeko mahai ingurua izango dugu, Elay , Soraluce Koop. Elk., Fagor Ederlan Koop. Elk. eta Ulma Packagingeko zuzendari eta arduradunek parte hartuko dutelarik Juanjo Alvarezek moderatuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.