MAIko Etekin Handiko Zikloetako ikasleak protagonista

Lanbide Heziketa hobetzeko asmoarekin Miguel Altuna Institutuan bide berri batzuk jorratzen ari gara eta euren artean enpresetatik eskatzen dizkiguten profil profesionaletara gure ikasleen maila gerturatzeko ETHAZI (Etekin Handiko Zikloak) programa dugu martxan, fabrikazio mekanikoko diseinuan, mekatronika industrialean eta automatizazio eta robotika industrialeko zikloetan, ikasleek beraiek hartzen dutelarik protagonismoa.

Hori dela eta, abenduaren 2an, iaztik diseinu industrialeko zikloan ari diren ikasleek, esperientzia pilotu honen aurkezpena egin zieten Fagor Ederlan, Lazpiur, Ulma Piping, Goizper, Ulma Packaging eta Elay enpresetako formazio arduradun, proiektu kudeatzaile, sistemetako arduradun, giza baliabideetako teknikari eta ekoizpen zuzendariei, besteak beste.

Orain arte egindako eta aurrerantzean egin beharrekoak partekatu zituzten, etorkizun laburrean metodologia honen emaitzak enpresetako beharrei nola egokitu daitezkeen azpimarratuz.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.