Pasa den astean, Kontzepzio egunean, 40 urte bete ziren John Lennon hil zutela. Seguruenez, Lennonen abestirik ospetsuena Imagine izango da. Nork ez du ezagutzen? Hala ere, erreparatu diozue abestiaren letrari? Beno, zuetako askok bai, seguru. Gogora dezagun zer proposatzen digun: mugarik, erlijiorik, desberdintasunik eta jabetza pribaturik gabeko mundu batekin amets egitera gonbidatzen gaitu.
Bestalde, zenbatetan erabili da ekitaldiak, aurkezpenak, une hunkigarriak, eta abar girotzeko? Eta horietako zenbatetan ikusi ditugu guztiz kontrakoa pentsatzen duten politikariak eta pertsonak, oro har, hunkituta abestiarekin? Erreparatuko ote zioten letrari? Hitz potoloak dira, hori bai, musika suabe eta ahots gozoarekin esanda guztia. Batzuetan, batzuentzat, formak edukiei gailentzen zaizkie.
Ameslaria naizela esan dezakezue, baina badut beste hausnarketa bat ere: gauzak gozo esanda urrutirago iristen ote dira?
Zuek ere imajinatu, amets egin, ondo bukatu eta hobeto hasi!
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
