Bi herrialdeen arteko muga egiten duen eta enblematikoa den Gorbeiako tontorrera eraman izan dute aldarrikapena. Jende andana bildu izan da aurreko bi urteetan. Ekintzan parte hartu nahi genuen gipuzkoarrek hara joan behar genuen, hemen azpiegiturarik ez zegoen eta.
Zorionez, gauzak aldatu egin dira gure herrialdean. Herri askotan sortu dira taldeak eta hamaika lekutan ibili gara informazioa zabaltzen, sinadurak biltzen... eta pentsatu dugu: zergatik ez dugu zabaltzen deia gure herrialdean? Pentsatu eta egin.
Guk ere badugu mendi kuttuna eta, garrantzitsuena, hara gora aldarrikapena eramango duen jendea ere; beraz, uztailaren 31n Urbiara goaz. Bertako fondan egin dugu hitzordua, 12etan, eta argazkia egiteaz gain, sinadura bilketa ere egingo dugu.
Gure Herria ez dezaten kutsatu, ez dezaten txikitu eskatuko dugu ozen. Zenbat eta jende gehiago, are indartsuagoa izango da gure aldarrikapena.
Animatu zaitezte. Guztiok zaudete gonbidatuta. Egin dezagun Naturaren alde!
..........
Maritxu Goikoetxea Gonzalez de Lopidana eta Arantza Palacio Vijandi
(Fracking Ez Gipuzkoako Plataforma)
Debagoiena
